බදුල්ලේ අයාලේ යන ගවයින් නිසා රියදුරන් පීඩාවට

බදුල්ල  ප්‍රදේශයේ  ප්‍රධාන මාර්ග අවහිර කරමින් අයාලේ යන ගව රංචු නිසාවෙන් රථවාහන ගමනා ගමනයට දැඩි බාධා එල්ලවන බව රියදුරන් සහ ප්‍රදේශවාසීන් පවසයි.

බදුල්ල සහ ඒ අවට දහවල් කාලයේ පැමිණෙන මෙම ගවයින් රංචු වශයෙන් මාර්ගයේ තැනින් තැන අවහිර වන ආකාරයට අයාලේ යාම හේතුවෙන් බහුතරයක් ත්‍රීරෝද රථ රියදුරන්,යතුරුපැදිකරුවන් මග තොට අනතුරුවලට නිරන්තරයෙන් මුහුණ දෙන බව වාර්ථාවේ.

දිනකට මෙලෙස ප්‍රධාන මාර්ග වෙත ස්ථාන කිහිපයකින් ගවයින් විශාල සංඛාවක් දැක ගත හැකිය.ඒ අනුව බදුල්ල  මහියංගණ ප්‍රධාන මාර්ගය,බදුල්ල කොළඹ ප්‍රධාන මාර්ගය සහ අනෙකුත් අතුරු මාර්ග නිරන්තරයෙන් මෙම ගවයින් අවහිර කරමින් ගමන් කරන බව ප්‍රදේශවාසීන් පවසයි.

පොලීසිය විසින් මෙසේ අයාලේ යන ගවයින්ගේ අයිතිකරුවන්ට එරෙහිව කිසිදු නෛතික ක්‍රියාමාර්ගයක් නොගැනීම නිසාවෙන් මේ වන විට ප්‍රධාන මාර්ග පද්ධතිය ගවයින්ගේ නිජබිමක් බවට පත් වී ඇති අතර නුදුරේදී මාරක රිය අනතුරු බහුලවීමේ ප්‍රවනතාවයක් දක්නට ලැබෙන බව ප්‍රදේශවාසීන් වැඩිදුරටත් සදහන් කරයි