ම් කිහිපයක් මුල්කර ගනිමින් ගුරු විදුහල්පති වෘත්තීය සමිති දීපව්‍යාප්තව සිදු කෙරෙන ව්රෝධතාවයේ 3 වන අදියර අද බදුල්ල ඌව පළාත් සභාව ඉදිරිපිට අද(06) පැවැත් වුණි.
බදුල්ල දිස්ත්‍රික්කයේ සියලු පාසල්වල ගුරුවරුන් සහ විදුහල්පතිවරුන් අසනීප නීවාඩු වාර්ථා කර පෙරවරුවේ දී පා ගමනකින් ඌව පළාත් සභා ඉදිරිපිට පැමිණ විරෝධතාවය සිදු කළ අතර මේ හේතුවෙන් බදුල්ල නගරයේ රථවාහන ගමනා ගමනයට දැඩි බාධා එල්ල වුණි
මේ පිළිබදව අදහස් දැක් වූ ලංකා ගුරු සංගමයේ ලේකම් මහින්ද ජයසිංහ මහතා
"මේ ආණ්ඩුව බලයට එනකොට සෞභාග්‍ය දැක්මෙන් පොරොන්දු වුණා මේ ප්‍රශ්නේ විසදනවා කියලා.ඒ වගේම පොරොන්දු උනා අයවැය වලදී විසදනවා කියලා පාර්ලිමේන්තුවේදී ජී.එල් පීරිස් ඇමැති වරයා පොරොන්දු උනා විසදනවා කියලා ඒ නමුත් ඒ විසදුම් ලබා දීම අසමත් වෙලා තියෙනවා ගුරු විෂමතා වැටුප් නොවිසදනවා විතරක් නෙවේ මේ වෙනකොට මුලු මහත් අධ්‍යාපනය පද්ධතිය විනාශ කරන්න විවිධ තීන්දු තීරණ ගනිමින් සිටිනවා.4600ක් වැඩ බලන සහ වැඩ ආවරණය කරන විදුහල්පතිවරුන්ට පත්වීම් ලබාදීමට සූදානම් වෙලා ඉන්නවා.300ක් අධ්‍යාපන පරිපාලන සේවයට බදවා ගන්න සූදානම් වෙලා ඉන්නවා විතරක් නෙවේ හොර පාරෙන් පත්වීම් දීලා අධ්‍යාපන පද්ධතිය විනාශ කරන්න මේ ආණ්ඩුව කටයුතු කරනවා"
අදහස් දැක්වූ ලංකා ගුරුසංගමයේ ප්‍රධාන ලේකම් ජෝසප් ස්ටාර්ලීන් මහතා
"ගුරුවරු විදුහල්පතිවරු මේ වන විට මුහුණ දීලා තියෙන ගැටලුවලට වහාම විසදුම් දෙන්න.
ආණ්ඩුව මේ වෙනකොට කිසිදු අවදානයක් යොමු කරලා නෑ සම්පූර්ණයෙන් බොරු කියන්නේ ජී.එල් පීරිස් ඇමැති වරයා අපිට කිවුවා අතුරු දීමනාවක් දෙනවා කියලා දැං කිසිදෙයක් නෑ ආණ්ඩුවේ හෙංචයියෝ දාලා බොරු කමිටු දාලා මේ රටේ විදුහල්පති ගුරුවරු රවට්ටනවා"
මෙම හේතුවෙන් බදුල්ල ප්‍රදේශයේ පාසල්වල අධ්‍යාපන කටයුතු මුලුමනින්ම අඩාල වී ඇති බව පාසල් වෙත පැමිණි ළමුන්ගේ දෙමව්පියන් පවසයි.
